Mlima Elgon, Uganda

Kazi

Kuongoa mashamba ya kahawa kwa kutumia kilimo cha krejesha uoto tena

Kuongoa
mashamba ya kahawa

Kwa kutekeleza kilimo cha kurejesha uoto, mshirika wetu RAIN analenga kurejesha uoto katika mashamba ya kahawa kwenye miteremko ya kaskazini ya Mlima Elgon, Uganda.

Miteremko ya kaskazini ya Mlima Elgon ina sifa ya mandhari ya milima yenye udongo wenye rutuba wa volkano. Wakulima katika eneo hilo hutegemea sana udongo huu wenye rutuba kwa maisha yao.

Hapo awali wakulima wengi katika eneo hilo walitumia ardhi yao kuzalisha kahawa ya Arabica. Hata hivyo, kutokana na bei ya chini ya kahawa na ukosefu wa upatikanaji wa masoko ya kahawa, wakulima wengi walihamia katika uzalishaji wa mazao ya kila mwaka. Mazao haya hayafai kwa mandhari ya Mlima Elgon yenye vilima kwani mara nyingi husababisha uharibifu wa mazingira kama vile mmomonyoko wa udongo, uharibifu wa kingo za mito na kuchafua udongo na rasilimali za maji.

Kupitia kutekeleza njia za urejeshaji wa mandhari (kama vile uimarishaji wa ukingo wa mto kwa kupanda mianzi) na mbinu za kulima kwa kurejesha uoto (kama vile matandazo, kuchimba mtaro tuta na kutumia mbolea ya asili kutoka kwa mabaki), mandhari inaweza kurejeshwa. Wakati huo huo, kuboresha uzalishaji wa kahawa na kuendeleza uhusiano wa soko la kahawa kunaweza kugeuza kahawa kuwa fursa ya faida kwa wakulima tena. Justdiggit inaunga mkono mradi wa Mlima Elgon kwa utaalam wake kwenye vyombo vya habari na mawasiliano.

Athari inayotarajiwa

Hekta 33,000

za ardhi iliyorejeshwa

20%

zaidi ya mapato kwa wakulima

Kuboresha uzalishaji na ubora

wa kahawa ya Arabica

Nguvu ya vyombo vya
habari na mawasiliano

Justdiggit hutumia vyombo vya habari na mawasiliano ili kuongeza athari ya (kiwango kikubwa) katika urejeshaji wa mandhari.

Kwa miaka mingi tulipata ujuzi na uzoefu mwingi wa jinsi ya kuendeleza na kutekeleza mbinu tofauti za mawasiliano na kuunda mtandao mkubwa wa washirika wa vyombo vya habari duniani kote. Kwa nguvu hii ya vyombo vya habari na mawasiliano sasa tunaunga mkono mradi wa Mlima Elgon wa RAIN. Kwa mfano, tulitengeneza kalenda ya shamba la kahawa ambayo wakulima wanaweza kuona wanapohitaji kutumia njia sahihi katika ardhi yao, kusaidia kuongeza uzalishaji wa kahawa.

Wakulima wa kahawa wanachimba mitaro tuta katikati ya mazao kuvuna maji ya mvua

Kilimo cha Kijani ya Baadaye

Mradi huo kwenye Mlima Elgon ni sehemu ya mpango wa Kilimo cha Kijani ya baadaye, mpango kutoka RAIN, MetaMeta na Justdiggit. Kilimo cha kijani ya baadaye ni mradi wa miaka minne unaolenga kuonyesha jinsi gani katika mandhari tatu tofauti kabisa, katika nchi tatu tofauti (Uganda, Ethiopia na Kenya), kilimo cha urejeshaji wa uoto kinaweza kuwanufaisha wakulima na mazingira. Kwa kuchanganya uwekezaji katika kuongoa wa uoto wa asili na usimamizi wa mandhari, kujumuisha kilimo cha kurejesha uoto, na kuimarisha minyororo ya thamani ya ndani, mradi unalenga kufanya uchumi wa vijijini kuwa na nguvu zaidi.

Kinachofanya programu kuwa maalum ni ukweli kwamba kila shirika sio tu linaendesha programu yao ya ndani, lakini pia inasaidia programu zingine ndani ya utaalam wao wenyewe. Lengo kuu la programu ni kujenga mustakabali wa mandhari ya kijani kwa wengi, haswa kwa wanawake na vijana, katika sehemu tofauti za Afrika Mashariki. Mpango huu unaungwa mkono na IKEA Foundation.

Tazama filamu ya utangulizi Kilimo cha Kijani ya Baadaye hapa.