CHANGAMOTO YA KIDUNIA
Yapi ni matokeo ya kusambaa kwa hewa ya kaboni? Na jinsi gani tunaweza kuthibiti hili?
Wengi wetu tunajua kwamba mkusanyiko wa usambaaji wa hewa ya kaboni husababisha ongezeko la joto duniani. Lakini nini kinasababisha mkusanyiko hu una jinsi gani tunaweza kudhibiti hilo?
Kuna vyanzo vingi vya usambaaji wa hewa ya kaboni.
Kama wanadamu, tunatoa kwa wastani kilo moja ya hewa ya kaboni. Mimea na wanyama pia hutoa hewa ya kaboni, ambayo huishia angani. Kwa kuongezea, milipuko ya volkano na kuyeyushwa kwa barafu kwenye maeneo ambayo hua na baridi kipindi chote cha mwaka huchangia uzalishaji wa hewa ya kaboni. Hizi ni maliasili zote za uzalishaji wa hewa ya kaboni, na kuiweka dunia katika usawa. Japokuwa, kiwango cha uzalishaji wa hewa ya kaboni kutoka kwa rasilimali zisizo za asili inaongezeka haraka, ikiharibu usawa . Ongezeko hili la uzalishaji wa kaboni kwa kiasi kikubwa linatokana na shughuli za kibinadamu. Tunaendesha magari, tunapasha moto nyumba zetu wakati nje ni baridi, na tunatumia nishati kupika chakula chetu. Hii yote hugharimu nishati nyingi. Kupata nishati hii tunachoma mafuta, na kuongeza kiwango cha uzalishaji wa hewa ya kaboni angani.
Mkusanyiko wa hewa ya kaboni umechangia kwa kiasi kikubwa ongezeko la joto duniani.
Hewa ukaa angani, kama vile kaboni, huzuia joto kutoka ardhini kupita vizuri na kusababisha ongezeko la joto duniani, mchakato unaofahamika zaidi kama athari ya hewa ukaa. Ongezeko la joto duniani ulimwenguni lina athari kadhaa: mawimbi ya joto hutokea mara nyingi, mvua huwa kubwa zaidi, na kina cha bahari kinaongezeka. Hasa katika maeneo hatarishi, kama Afrika Kusini mwa Jangwa la Sahara, watu wanakabiliwa na athari za mabadiliko ya hali ya hewa kila siku. Joto kali husababisha kukauka kwa ardhi, na kusababisha kutopatikana kwa mazao. Mvua inapofika, mara nyingi huwa kubwa sana. Kwa sababu maji mengi yanashuka mara moja, maji hayana nafasi ya kupenya kwenye udongo, na kusababisha mtiririko wa maji. Karibu na upatikanaji wa chini wa maji ndani ya mchanga, hii husababisha mmomonyoko wa safu ya juu yenye rutuba ya mchanga na mafuriko ya mto. Kinachofuata baada ya kupungua kwa kiasi cha maji kwenye udongo husababisha mmomonyoko wa tabaka la juu lenye rutuba na mafuriko.Kupungua kwa udongo wenye rutuba hufanya iwe ngumu kukuza mazao, na kusababisha uhaba wa chakula na umaskini kwa jamii za wenyeji.
Kukijanisha husaidia! Uoto pia husababisha uondoaji wa hewa ya kaboni, hupunguza kiwango cha hewa ya kaboni katika anga na baadaye kupunguza athari za hewa ukaa , mwishowe husababisha upunguzaji wa joto duniani. Uoto pia husababisha upoozaji wa udongo, hupunguza uvukizi wa maji kutoka kwenye udongo na kusababisha kuongezeka kwa upatikanaji wa maji kwa mimea, wanyama, na wanadamu. Kwa kuongezea, kijani kibichi huchochea mzunguko wa maji, na kusababisha kuongezeka kwa mvua na utunzaji wa maji kwenye udongo. Ongezeko hili la unyevu wa udongo hufanya ardhi ipatikane kwa kilimo tena, ikitoa chakula na mapato kwa jamii za wenyeji.
Na Jinsi gani Justdiggit wanasaidia kupambana na kutoa gesi ya kaboni na kupoooza sayari?
Justdiggit ni shirika la Uholanzi likiwa na lengo la kurejesha mifumo ya mazingira iliyoharibika kwa kukuza, kuanzisha na kufadhili mipango mikubwa ya urejesho wa mazingira ndani ya Afrika. Miradi yetu ya kukijanisha husaidia kurejesha ulinganifu wa maji kwenye udongo na kurudisha mimea, ambayo ina athari nzuri kwa hali ya hewa ya eneo , inaongeza usalama wa maji na chakula na inakuza bioanuwai ndani ya maeneo ya mradi. Ndani ya miradi yetu tunafanya kazi pamoja na washirika wa ndani na jamii. Jamii zilizohusika moja kwa moja zinanufaika na programu zetu tunapounda mazingira bora ya kuishi na kuongeza maendeleo ya uchumi. Njia yetu ya kipekee ni mkakati wa vyombo vya habari na mawasiliano, unaojumuisha mawasiliano na vyombo vyote vya habari vinavyopatikana kwa kiwango cha mitaa, mkoa, kitaifa na kimataifa. Pamoja na kampeni hizi za vyombo vya habari zilizodhaminiwa, tunakusudia kukuza athari ya programu za urejesho wa mazingira, na hivyo kuunda harakati za kurudisha mazingira, na kukuza kukijanisha barani Afrika.
